Sanpedroak 2015 Eskoriatzan

'Amalurra Osatuz' ikuskizuna antzeztu dute eskoriatzarrek

Gorosarri plaza goraino bete zen Eskoriatzan, San Pedro egunean, 'Amalurra Osatuz' ikuskizuna jarraitzeko. Eskoriatzarrek 5. urtez egin dute emanaldia, eta urtero legez, txalo zaparradarekin bukatu zen ikuskizuna. Ekitaldia herritarra eta parte hartzailea izan da, eta adin ezberdinetako profilak ikusi ahal izan dira beste behin ere. Herriko musikariek ere parte hartu dute emanaldian.

Musikarekin, dantzarekin, eta hitzen bitartez naturako elementuak, ura, lurra, sua eta haizea irudikatu dituzte ‘Amalurra Osatuz’ ikuskizunean. Eskoriatzako hainbat talde ezberdinek parte hartu dute emanaldian, Marijo Pagaldai koordinatzailearen laguntzarekin. Hainbat arte diziplinaren bitartez istorio bat kontatzea izan da helburua azken finean.

Herritarrak oso gustura gelditu ziren ikuskizunarekin, eta talde ezberdinen parte hartzearekin. Horrela, Eskoriatzan egiten diren ekintza ezberdinak ezagutzera ematen direla azpimarratu zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.