Korrika 19

Aka, aka aka, iritsi da Postaka

Eskoriatzarrak ez dira etxean geratu, eta kalera irten dira postaka egitera. Lehen bizi, etxeko txikiek, euren petoak margotu dituzte, eta apurka apurka guraso eta gainontzeko herritarrekin batera ibilbideko zatietara joan dira. Korrikak hemeretzi ediziotan izan dituen abestien erritmora, postakak herri osoa zeharkatu du, eta aurreneko aldiz egin duten ekimen hau, plazan amaitu da.

Eskoriatzarrek ongietorri bikaina egin diote Postakari. Korrika 19-k herria zeharkatuko ez duenez, Eskoriatzako hainbat eragilek sortutako ekimenak herritarrak etxetik atera, eta korrika edo postaka egitera animatu ditu. Testigua herriko elkarteek eroan dute, eta une oro entzun dira postakaren aldeko aldarri eta txaloak.

Postakak Eskoriatza osoa zeharkatu ondoren, plazara iritsi da eta bertan egin dute amaiera ekitaldia. Postakari guztiak bertan batu dira eta bertso nahiz musikaren erritmoarekin borobildu dute euskararen aldeko ekitaldi hau.

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.