Garagardo mota ugari, horien artean alkoholik gabekoa eta limoarekin nahastutakoa; eta jatekoa gura beste, saltxitxak, kondoa, oilaskoa, tortillak…, dauzkate plazan erdi-erdian jarri duten karpa handian. Domeka iluntzera bitartean egingo dute Garagardo Festa, zaharren egoitzari laguntzeko dirua batzea helburu duen hirugarren festa, eta beste behin, herritarrek ez dute hutsik egingo. Helduak, gazteak eta umeak, tonbolak erakarrita horietako asko, elkartu dira zabalik daramatzan bi egunotan, eta atzo arratsaldean zaharren egoitzako egoiliarren bisita izan zuten.
