Aratuste-martitzenean, kolorez jantzita esnatu da Eskoriatza. Mozorroa jantzita, Herriko plazan bat egin dute Luis Ezeizako eta Arizmendiko Jose Arana eta Almen guneetako umeek, 200 inguruk, guztira; eta horiekin eta ikustera joandako guraso eta aiton-amonekin, bete egin da plaza. Guztien artean, giro aparta sortu dute, aurtengo Aratusteak zapore onarekin agurtzeko.