Langabezia datuei dagokienez behintzat, 2012a ez da ondo hasi Eskoriatzan. Urtarrilean 239 langabe zeuden herrian, aurreko hilabetean baino hamazazpi gehiago. Beñat Herce alkatearen esanetan, datu hori ez da positiboa eta Udaletik hainbat ekimen abiarazi dituztela jakinarazi du, hala nola herriko obretarako herriko langabeak kontratatzea, eta baita hainbat ikastaro martxan jartzea ere.
