Aste Zapatista ospatu dute Eskoriatzan, "beste mundu bat posible dela erakusteko". Aste osoan zehar denetariko ekintzak egin ostean zapatua zuten Aste Zapatistaren egun handia. Urtero moduan bazkariak jende dezente erakarri zuen, eta ez da harritzekoa, menua ikusita: janari mexikarra, menu begetarianoa eta mojitoak. Jaki gozoez gain, perkusio, danbor eta musikarik ez zen falta izan Aste Zapatistari amaiera emateko.