Herritarrek ondo erantzun dute, egubakoitzetik. Intxorta Txiki gauez argiztatzera jende mordoa joan zen, adibidez. Baina bereziki zapatua izan zen jendetsua, eguraldiak lagunduta.
Mendizaleen plazan senderismo eta artisau azoka egin zuten. Postu ezberdinak, mendi ibilbideei buruzko informazioarekin eta eskuz egindako bitxiekin eta osagarriekin. Poltsak, belarritakoak, giltzatakoak…. Etxeko artisauak ere egon ziren. Horiek, artisau garagardoarekin.
Zapatu eguerdian neska-mutiko mordo bat elkartu zen abentura-gunean. Sokak, tirolinak, rapelatzeko gunea, oreka mantentzeko jolasak…. Gustura ibili ziren begiraleak eta umeak.
Musikarendako lekua
Musikak ere izan zuen lekua Puntaik Punta jaialdian. Gozategiren kontzertua izan zen jende gehien batu zuena. Baina, herriko musikari Unai Cantabranak ere izan zuen bere musika herrikideen aurrean erakusteko aukera. Berak konposatutako kantuak eta bertsioak eskaini zituen.
