Iaz berreskuratu zen koko-batzerako arropak Eibarretik ekarri zituzten. Bada, aurten, herrian jositako mozorroak izango dira. Hartza, elgetarra izango da hortaz.
Eta, otsailaren 11rako motorrak berotzeko, herritarrek aukeratu dezaketen mozorroak ikusgai daude zeramika gelan. Hartza da pertsonaiarik garrantzitsuena. Inguruan izaten ditu mamarruak, burburixuak, sasi-kartia, masustak eta gorrixak. Zuri-gorri jantzita, azken horiek gazteenak dira –20 urtera artekoak-. Dagoeneko badaude hartza, ezkonduak eta alargunak izango direnak. Baina, beste hainbat pertsonaia daude. Tartean, konpartsa handitzeko helburuarekin, sartu dituzten azeriak.
Koko-batze eguna heldu bitartean barikuetan, zapatuetan eta domeketan egongo da zabalik erakusketa zeramika gelan. Koko-eske egunean abestekoak diren koplak eta dantzatzekoak diren piezak gogora ekartzeko saioak berriz, barikuetan izango dira.