Informazio oso baliagarria pasatu zuten mugaz bestalde, asko eta asko erbestean zegoen Eusko Jaurlaritzari helarazteko.Errepublikako eta Kataluniako gobernuen dokumentu sekretuak ere izan zituzten esku artean.
Alava Sarea 1940an jausi zen, Gestapo Eusko Jaurlaritzaren Parisko egoitzan sartu zenean. Alava Sareko kideak atxilotu eta asko eta asko heriotza-zigorrera kondenatu zituzten. Sareko kide Luis Alava fusilatu egin zuten. Etxeberria, Verdes, Lauroba eta Mujikak bost urte egin zituzten preso. Azkenean indultua jaso zuten baina Euskal Herritik kanpo bizitzeko baldintzarekin.
