Baserritar jantziekin dotore zeuden gaur Elgetako Herri Eskolako neska-mutikoak. Azoka txikia ipini dute gaur goizean plazan LHko 3., 4., 5, eta 6. mailetako ikasleek.
Ondotik, Olentzeroren eta Mari Domingiren bisita espero dute eskolan. Urtero ekartzen dituzte opariak eta aurten ere horrela izango delakoan daude gazteak. Gabon kantak ere prestatu dituzte haiei eskaintzeko.
Eguerdi inguruan guraso elkarteak ipinitako txorizoa jango dute denek eskolan, eta goizeko jardunaldia amaituta urtarrilaren 7ra arteko oporrak hartuko dituzte.
