Gaztelekuak antolatuta, lanbide ezohiko edo ume eta gaztetxoendako bereziki interesgarri izan daitezkeen batzuen gaineko saioa izan da gaur, domeka. Elgetako basozain Daniel Gillegi eta suhiltzaile Fernando Albenizen ahotik, lanbide horien nondik norakoak entzun du gaztetxo dozena batek.
Basozaintzaren gaineko argazki batzuk erakutsi ditu Daniel Gillegik, eta suhiltzaileek erabiltzen dituzten jantzi eta tresna batzuk ikusgai ipini ditu Fernando Albenizek gaztelekuan.
10 urtetik gorako ume eta gaztetxoendako zen saioa, eta dozena inguru neska-mutikok adi-adi entzun dituzte bataren zein bestearen azalpenak. Bukaeran, batzuk galderak egitera ere animatu dira. Gaztelekuko arduradun Nerea Villak gidatu du saioa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
