Guztira, bertako eta kanpoko 40 Vespa eta Lambretta izan dira gaur Elgetan hamaikagarren urtez ospatu den Vespa eta Lambretta topaketan. Nahiz eta eguraldiak ez duen lagundu, giro polita izan dela adierazi du Fermin Iribar antolatzaileak.
Burgos, Bilbo, Gasteiz edota Donostia inguruko jendea gerturatu da topaketara. Eguerdira bitartean herriko plazan izan dira Vespa eta Lambretta batzuk ikusgai, horien artean, aurten sidecar-ak dituzten Vespa eta Lambretta bana egon dira, eta ondoren 40 kilometrotako ibilbidea egin dute horietan.
Horren ostean, 50 lagun inguruk batera bazkaldu dute eta Iribar antolatzaileak eskerrak eman nahi izan dizkie Udalari eta El rincon de Lola jatetxeari, emandako laguntzagatik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.