Udal eta Foru hauteskundeak 2015

Kanpaina hasiera parte-hartzailea egin zuen barikuan EHBilduk, herriko plazan

Elgetako plazan, 20:00etan puntuan, ekin zion udal hauteskundeetarako kanpainari EHBilduren hautagaitzak. Iraitz Lazkanok hartu zuen hitza lehenengo, eta banaka-banaka, programaren inguruko xehetasunak eman zituzten, gainerako zerrendakideek. Era horretan, ekitaldi parte-hartzailea egin nahi izan zuten, kanpainaren hasiera honetan. Ostean, mokadua eskaini zieten bertaratutako elgetarrei.

Agurtzane Alkaldek eman ditu hezkuntza arloko xehetasunak, Mirari Larrañagak, gizarte politikaren zertzelada nagusienak aipatu ditu eta Sebastian Aranzabalek, berriz, ekonomiari dagokion programaren atala azaldu du. Kultura arlokoak Janire Lazkanori egokitu zaizkio eta amaitu aurretik, Ibai Larrañagak ingurumenaren inguruan programan jasotakoa azaldu du.

Iraitz Lazkano alkategaiak koalizioaren oinarria parte hartzea sustatzea dela azpimarratu du eta hori dela eta, ekitaldia bera ere, hautagai guztien parte hartzearekin antolatu dute. Ildo horretan, udal kudeaketa ahalik eta parte-hartzaileena izan dadin, batzorde guztiak publikoak izango direla adierazi du, Elgetako alkatetza lortuz gero. Gardentasunaren izenean ere, kontu guztiak publikoaren esku jarriko dituztela azaldu du eta elgetarrek, udal ordezkariak zer lan egiten ari diren uneoro jakiteko aukera izango dutela esan du. Horretarako, herritarrek udal ordezkariekin behar duten guztietan egoteko aukera izan dezaten modua egingo dutela eta sare sozialen erabilera publikoa egingo dutela gehitu du.

Programaren aurkezpenaren ekitaldia egin bitartean, "Elgetarrok garaile!" kanpainaren leloa eraikitzen joan dira hautagaiak, udaletxe azpian osotu duten muralean. Kanpaina hasiera izanik, talde argazkia egiteko ere baliatu dute herriko plazan egindako ekitaldia.

Erlazionatuak

Elgetako EH Bilduk eman du ezagutzera hauteskundeetara aurkeztuko duen zerrenda

Elgeta

Atzo herri batzarra egin zuen Elgetako EH Bilduk. "Aho batez onartu eta gero, hau da Elgetako EH Bilduren zerrenda maiatzeko udal hauteskundetarako...
Iraitz Lazkano : "Espero nuena baino ilusio handiagoarekin esan nuen baietz"

Elgeta

ALKATEGAIAK EZAGUTZEN | Artean hauteskundeetara aurkezteko asmo barik politika eta administrazio zientziak ikasi zituen Iraitz Lazkanok (E...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.