Itxura berria du Elgeta erdiguneak. Udalak egin ditu lanok Gipuzkoako Foru Aldundiaren finantzazioarekin, automobilen abiadura moteltzeko eta oinezkoen segurtasuna bermatzeko. Urtea amaitu aurretik bukatu zituzten lanak, nahiz eta semaforo sistemaren sinkronizazioak zenbait buruhauste eragin.
Aldaketa nabarmenak
Lanen ostean zebrabide berria dago erdigunean, pibota bidez mugatutako oinezkoendako bidea dago Malaperaino, espaloiak zabaldu egin dituzte, eta autoendako txandakako zirkulazioa dago ezarrita.
Eibartik kiroldegiko biribilgunera
Autoen zirkulazioari dagokionean bada berrikuntza bat ohitura aldaketa garrantzitsua eskatuko duena. Debekatuta dago, aurrerantzean, Eibartik etorri eta ezkerrera hartuta zuzenean arkuan sartzea. Kataiko arkuan sartzeko gidariek eskumara egin behar dute, kiroldegiko biribilgunean itzulia egin, eta semaforoak baimendutakoan sartu erdigunean.