Albisteak: Bederatzi bizilagun artatu dituzte Arrasaten izandako sute batean, kea arnasteagatik; bestetik, Bolua auzoko jaiak eta Haatik konpainiaren ‘101’ dantza ikuskizuna Udazabalen barruan

Arrasateko Garibai kalean, Sindikatuen Etxea moduan ezagutzen den eraikinean izan zen sua zapatu gauean. Ondorioz, lokala erre egin zen eta kea zabaldu atari osoan. Bederatzi bizilagun ospitalera eraman zituzten kea arnasteagatik, baina  egunean bertan bueltatu ziren etxera, onik. Bergarako Bolua auzoan bakarrizketekin eman diete amaiera Santa Ana jaiei. Eta Haatik konpainiak 101 dantza ikuskizuna eskaini du Udazabalen.