Hainbat belaunaldi elkartu eta garai bakoitzeko istorioak eta bizipenak partekatu zituzten elkarrekin Almenen izan zirenek. Kuadrilletan gozatu zuten egunaz: eraikina bisitatu zuten, bero zakarrari erantzuteko txosna inguruan ibili ziren, eta bertsoz eta musikaz girotutako ekitaldi bateratua egin zuten, Elkartu, Oroitu, Eskertu eta Gozatu lelopean.
Ekitaldi nagusiaren ostean bazkaria egin zuten, eta 1.000 pertsona inguru batu ziren horretarako. Deialdia "arrakastatsua" izan zela adierazten du horrek antolatzaileentzat, eta beroak egunaz gozatzen laguntzen ez bazuen ere, Almenen bueltako komunitate guztiak jarritako "giro onarekin egin genion aurre denon artean".
Iruten krosa
Kirola eta jolasa oso presente izan ziren urteurrenean; izan ere, Torrebasoko igoera eta Iruten krosa egin zuten. Azken honetan, gazteen eta nagusien lasterketa egin zuten, eta 70 parte hartzaile izan zituen nagusienak. Sailkapena honako hau izan zen:
Emakumezkoetan
- Adirane Peñagarikano Esteibar
- Jaione Mendikute Barbero
- Maria Martinez Ojuel
Gizonezkoetan
- Ibai Bolinaga Diaz
- Iñigo Alzola Gordoa
- Ander Zubia Ganzarain