Debagoieneko udalak tokian toki egiten ari diren mugikortasun lanketen osagarri izan gura duen azterketa dela nabarmendu du Mankomunitateak. Era berean, diagnostikoak mugikortasunaren “argazki osoa” eskaintzen duela azpimarratu dute.
Mugikortasun-mahaia eratzea ezinbestekoa den heinean, eragile ezberdinekin hartu emanetan ipiniko da Mankomunitatea datozen asteetan. Beti ere, kontuan hartuta diagnostikoak utzi duen beste ondorioetako bat: Debagoiena ez dela homogeneoa mugikortasunari dagokionez, alegia.
Azkenik, lau arrakala estruktural identifikatu dituzte, planak heldu beharrekoak: lurralde-arrakala (periferiaren isolamendua), arrakala soziala (autoa ez dutenen bazterketa), genero-arrakala (gizonezkoek, oro har, lanera joan-etorria egiten dute eta emakumeek bidaia bat baino gehiago, haurrekin ikastetxera, ospitalera...) eta arrakala digitala (adinekoentzat teknologia oztopo bilakatzea).