Lehenengoaren baitan, sexu jazarpenen eta jazarpen sexistaren kontrako protokoloa eguneratu, hedatu eta egoki kudeatuko denaren bermea landu zituzten, edota hautaketa prozesuetan gizon eta emakumeen arteko berdintasunaren bermea jorratu; baita langile taldearekin askotariko formazio saioak egin ere. Eta balorazioa positiboa da.
2025 urtean zehar egin da bigarren plan horren diseinua –Hezi2de berdintasun aholkularitzaren eskutik oraingoan ere–, 2029ko iraila bitartekoa izango da bere indarraldia eta bereziki hiru gaitan jarriko du azpimarra: sexu-jazarpena, LGTBIQ+ kolektiboa eta kontziliazioa.
Lege betebeharretik harago, askotariko enpresen eta erakundeen aldetik dagoen konpromisoa nabarmendu du Miren Aranburuk, gizarte eraldaketan eredu izan daitezkeelako eta hainbat badirelako.