azki bat Aldundiaren egutegian agertzen dela, baina azalean lehen aldiz", azaldu du Txintxurretak. Artzaintza orain zortzi urte atera zuen, Duruko jaietan. "Gordeta neukan, eta aurkeztea pentsatu nuen. Ez nuen sari nagusia espero". Zubizarretak 23 urte ditu: "Zegama-Aizkorri lasterketako egunean ateratakoa da Esnebide azpian. Aurreko egunean Urbian egin genuen lo, eta orduan hartutakoa da". Lehen aldiz hartu du parte Aldundiaren lehiaketan, eta pozik hartu du saria. Antonio Murillo arrasatearrak eskarmentu handia du argazkiak ateratzen. "Lehen aldiz hartu dut parte lehiaketan, eta sorpresa polita izan da aukeratua izatea", esan du. Aitortu du "liluratuta" dagoela azaleko argazkiarekin. "Sekulakoa da. Ikaragarria".
Aldundiak Leintz bailaran eta Oñatin banatu zituen atzo egutegiak. Gaur, Antzuolan (10:00), Bergaran (11:30) eta Elgetan (15:00) banatuko ditu.