Kazolak, sirenak, txistuak edo beste edozein tresna zaratatsu erabilita irten ziren herriko plazetara hainbat debagoiendar Palestina jasaten ari den egoera salatzeko. Izan ere, Gernika-Palestina herri ekimenak Euskal Herri osoan irailaren 5erako egin zuen deiak erantzun jendetsua izan zuen Arrasaten, Bergaran eta Oñatin.
Elkarretaratze zaratatsuak egin zituzten Palestina sufritzen ari den genozidioari "stop!" esan eta Israelekin harreman oro apurtzea eskatzeko. Hiru herrietan egin zituzten aldarrikapen ozenak, eta hainbat herritarrek erakutsi zituzten Palestinako banderak edota jarri zituzten Palestinako zapiak soinean. Elkarretaratze amaieran "egoeraren larritasuna" gogoratu zuten; hitzak eurak hutsik daudela kritikatu zuten, besteak beste, Euskal Herriko osoko plazetan irakurri zen testu bateratuan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.