'Goiaz!' azokaren ostean, ate irekien txanda

Julen Murua Mesonero 2025ko api. 2a, 15:20

Debagoieneko Lanbide Heziketako eskaintzaren gainean informazioa jasotzeko aukera egon da aste honetan Arrasateko Kulturateko klaustroan; izan ere, Debagoieneko Mankomunitateko Garapen Agentziak, eskualdeko 7 Lanbide Heziketako ikastetxeekin batera eta Gipuzkoako Foru Aldundiaren laguntzarekin, Goiaz! azokaren 17. edizioa antolatu du.

Aretxabaleta Lanbide Eskola, Arizmendi Ikastola, Mondragon Goi Eskola Politeknikoa, Miguel Altuna Lanbide Heziketa, Mariaren Lagundia, Oñati Gestio Heziketa eta Oñati BHI egon dira Lanbide Heziketako Azokan, eta hara joan ziren ikasleei erakutsi zieten datozen ikasturteetara begira izango dituzten eskaintzak. Eurez gain, Bastida Akademiak, IkasDebagoienak, Lanekik eta Debagoieneko Mankomunitateak ere euren informazio-mahaiak izan dituzte azokan.

Aurrerantzean berrikuntzak

Debagoieneko Mankomunitateko enplegu teknikari Amaia Irizarrek jakinarazi duenez, "Lanbide Heziketan hainbat aldaketa ematen ari dira": "Dual sistema berriaren ondorioz, ikasleak lehen mailatik egiten dituzten praktikak enpresetan. Lanbide Heziketa ikasten hasteko bideak ere zabalduz doaz, geroz eta pertsona gehiagori aukerak emanez".

Ate irekien txanda

Azoka amaituta, ikastetxe bakoitzak ate irekiak egingo ditu ikasleek bakoitzaren egoera ezagutu dezaten. Honako egunetan egingo dira ate irekiak:

  • Arizmendi Ikastolan: apirilaren 9an.
  • Aretxabaletako Lanbide Eskolan: apirilaren 8an, maiatzaren 6an eta 13an.
  • Miguel Altunan: maiatzaren 8an.
  • Mondragon Goi Eskola Politeknikoan: apirilaren 5ean eta maiatzaren 10ean.
  • Mariaren Lagundian: apirilaren 5ean eta 29an.
  • Oñatiko Gestio Heziketan: apirilaren 5ean eta maiatzaren 15ean.
  • Oñatiko BHI institutuan: apirilaren 9an eta maiatzaren 7an.
Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak