Bailara Elkarteak antolatutako enpresen nazioartekotzearen inguruko saioa egin da, berriki, Arrasaten. Bertan, askotariko sektoreetan liderrak diren erakunde eta enpresak bildu dira, esperientziak partekatzeko eta euren ereduak ezagutzera emateko. Ulma Construction izan zen bildutako enpresa horietako bat, eta, haien kasuan, nazioartekotzea aspalditik lantzen duten erronka da, eta enpresaren eguneroko funtzionamenduaren parte bihurtu da. Hain zuzen ere, Ulma Constructioneko gerenteak, Aitor Ayastuyk, enpresaren nazioarteko bidea, merkatuaren egoera eta etorkizuneko erronkak izan ditu hizpide.
