Sua Enparantza: "Castinga egin nuenean, amari ere ez nion esan"

Egun batetik bestera aldatu zitzaion bizitza Sua Enparantza Alustizari (Donostia, 2003). Ez zuen espero Irabazi arte telesailak horrenbesteko fama lortzerik, eta, ezustean, hainbat umeren erreferente bihurtu da. Baina telesaileko Arene baino gehiago da Sua. Antzeztu ez ezik, dantzatu ere egiten du, haren kantuak konposatzen ditu eta Gure Zirkuan ere badabil. 20 urte baino ez ditu, baina hitz egiten hasi ahala erakusten du artista izateko jaio dela.