Bihar, eguaztena, abiatuko da MUko Ikus-entzunezko fakultateak antolatzen duen Huhezinema euskarazko film laburren jaialdia, aurten hamazpigarrena. 81 lan aurkeztu dituzte guztira, eta horietatik 31 aukeratu dituzte jendaurrean erakusteko: sail ofizialean hamar, ikasle sailean hamaika eta bideoklip sailean hamar.
Film emanaldiez gainera askotariko ekitaldi gehiago izango dira Arkupe kultura etxean, bihar hasi eta egubakoitza bitartean, publiko guztiarentzako zabalik daudenak. Antolatzaile taldeko Iban Del Campo irakaslea eta Eki Letona ikaslea gonbidatu dituzte gaurko, martitzena, Arrasate Irratiko Zaku bete kontu saiora.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
