Jon Ortiz: "Bidaiari moduan, garrantzitsuena da gure eskubideak eta hegazkin-konpainien betebeharrak ezagutzea"

Asko izango dira datozen egunetan hegazkin bat hartuko dutenak, izan senitartekoekin elkartzeko edo oporretara joateko. Eta Iberiako langileek Gabon egunetan egin asmo zuten greba atzeratu bada ere, komeni da bidaiari moduan ondo informatuta egotea, sortu ahal diren gorabehera ezberdinen aurrean nola jokatu jakiteko. Hala adierazi du Erreklamatu bulegoko abokatu Jon Ortizek, Goiena telebistari eskainitako elkarrizketan.