Castillo Suarez: "Euskaltzaindiak zerbait egin nahi baldin badu estatusaren alorrean, diru gehiago behar du"

Castillo Suarez (Altsasu, Nafarroa Garaia, 1976). Uztailean euskaltzain oso bihurtu zen. Otsailean plazaratu zuen Alaska; bere orain arteko poema libururik arrakastatsuena izaten ari da. Gustura dago bere buruarekin, eta sumatzen zaio. Lehen, ez zitzaizkion elkarrizketak gustatzen. Orain, patxada osoz aurre egiten die. Euskalgintzaz zein literaturaz aritu zaigu, gairik mikatzenekin ere irribarre zabala galtzeke.