Bi atal nagusi ditu: alde batetik, egutegia bera, non hilbete bakoitzak Debagoieneko argazkilari batek ateratako argazkia duen; eta, bestetik, lanbideei eskainitako argazki erreportajeak osatzen du bigarren atal nagusia. Herri eta auzoetako hitzordu garrantzitsuenak, egun seinalatuak, efemerideak, Euskal Herriko jai egunak, lanbideei loturiko esaera zaharrak, tenporak eta ilargi aldaketak jaso dira bertan ere.
Egutegi bakarra ez, bi egutegi jaso dituzte, gainera, Goienakideek eta jasotako egutegietako bat nahi dutenari oparitzeko aukera izango dute. Hala, Goienakideak nahi duenari opari bat egiteko aukera edukitzeaz gain, Goienakide berri bat ekartzea lortzen badu, upategi batera joateko zozketan sartuko da.
