Eneko Garcia eta Danel Pascual: "Guretzat kalera ateratzea ekintza politiko bat da"

Eneko Garcia eta Danel Pascual, hurrenez hurren, Albina Stardust eta Divina Comedia drag queen-en gibelean dauden artista gazteak dira. Biek Itzulpegintza ikasi zuten, biak irakasle lanetan ari ziren, eta biek erabaki dute irakasletza utzi eta artista izatea jardunaldi osoz. Jokaldi bikaina ari zaie: ETB1en ari dira biak, gaztetxeetatik zein udaletatik deitzen diete, eta berriki bideopodcasta abiatu dute Euskalerria Irratian: Flop kultura. Podcastak egiteko jaioak dirudite, hitz jarioa bainoago haiena hitz erauntsia baita, indartsua, zirikatzailea, distiranta.