Kazetaritza feministari buruzko kongresua egiten ari dira egunotan Bilbon. Emakunderen eta Bilboko Udalaren babesarekin Pikara aldizkariak antolatua, bertan dira Goiena Komunikazio Taldeko hainbat kazetari. Feminizidioak eta indarkeria sexualen inguruan eraikitzen diren errelatuak izan zituen atzo hizpide Nerea Barjola politologoak eta ikertzaileak. Errelato horien eraikuntzan kazetariek kontuan hartu beharreko hainbat faktore azpimarratu zituen.
Narratibaren nolakotasunaren arabera gainerako emakumeengan eragiten den inpaktuaz egin zuen berba. Ikara-sexualaz aritu zen Barjola. Esan zuen Alcasserrek, esaterako, emakume belaunaldi oso bat determinatu zuela eta belaunaldi bakoitzak bere kasua duela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.