Gerrako umeei buruzko ikerketa egin zuen Intxorta 1937 elkarteak, eta, orain, bertan aurkitutako datu guztiak digitalizatu ditu Gipuzkoako Foru Aldundiak. Guztira, Gipuzkoan, 10.445 kasu identifikatu zituen elkarteak eta omenaldia ere egin zitzaien Donostiako Kursalean egindako ekitaldi batean. Elkartetik adierazi dute digitalizazio honek, artxiboa "osatzen" joateko aukera emango duela, ondo ez dauden datuak eguneratu eta datu berriak sartuz. Informazio berria eman nahi duenak, Intxorta 1937 elkartearen webgunean aurkituko du harremanetan jartzeko bidea.
Era berean, orain arte Gipuzkoako kasuak soilik ikertu dituzte, baina elkartetik jakinarazi dute, ikerketa Euskal Herri osora zabaltzea dela asmoa datozen urteetan.
Gerrako umeen zerrenda ikusteko: https://www.gipuzkoa.eus/eu/web/gizaeskubideak/gerrako-umeak
