Tertulia formatua duen ordu eta erdiko saioan jaialdiaren askotariko erpinak aztertu dituzte lagun giroan, azpiegitura eta bestelako argibide eta informazio praktikoarekin lotutako kontuak eta protagonista izango diren Debagoieneko eta kanpoko musika taldeak hitzez eta kantuen bidez aurkeztuta.
Gaur, egubakoitza, hasita izango da Ekinez podcast izena duen irratiko saioa entzuteko aukera, eta askotariko bideak izango dira aukeran: Goiena.eus atarian, Arrasate Irratian –FMko 107.7an–, eta iVoox plataforma digitalean ere bai.
