Tartean antzerki taldeak Bake lehorra antzezlana eskainiko du bihar, maiatzak 6, Seminarixoan, 20:00etan. Aitor Borobia aktore bergararra da protagonistetako bat eta Arrasate Irratiko gaurko, egubakoitza, Igo Autobusera! saiora gonbidatu dute.
Obrak gogora ekarri nahi du erraza dela gerraren metxa piztea, eta, aldiz, oso zaila dela itzaltzea. "Formatuari dagokionez, antzerki klasikoa da, hau da, aktoreen lana da osagai nagusia. Kontakizunari dagokionez, labur esanda, historiako klase bat modukoa da", azaldu du Aitor Borobia aktoreak. Nagusiki euskaraz bada ere, zenbait pasarte gaztelaniaz dira. Sarrerak Seminarixoa.eus atarian daude eskuragarri.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.