Domeka arratsaldean jokatu zen UDA eta Mondra taldeen arteko derbia, eta berdinketarekin amaitu zuten: 1-1. Partidu borrokatua izan zen, eta bi taldeak une ezberdinetan estutzen aritu arren, ez zuten garaipenik eskuratu.
Markel Perez UDAko jokalariak sartu zuen gola, eta adierazi du "pozik" egon arren taldeak eman zuen irudiarekin, "penaz" ere badela ez irabazteagatik. Aitor Azkarate Mondrako kapitainak, berriz, partidua "bizia" izan zela nabarmendu du, eta bigarren zatian "sufritu" zutela batik bat, aretxabaletarrek orduan sartu baitzuten gola.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.