Emakumeak protagonista izan diren ekitaldiak egin dituzte Debagoienean, asteburuan. Esaterako, egubakoitzean, Aspegik, Gipuzkoako Emakume Profesional, Enpresari eta Zuzendarien Elkarteak antolatuta jardunaldia egin zuen Garaian; edota domekan, Areskok 5. aldiz egin zuen Emakumeen Martxa.
Aspegiren jardunaldia
Debagoieneko hiru emakumek euren esperientzia profesionalak partekatu zituzten. Abantail kooperatibako zuzendari nagusi Sonia Ortubai, Arizmendi Ikastolako Umezaintza guneko zuzendari ohi Arantza Lejarraga eta Irrika Gluten Free-ko sortzaile Ainara Abasolo izan dira lehen edizioko hizlariak.
Aresko Emakumeen Martxa
Aretxabaletatik Eskoriatzarako ibilbidearen 5. aldia ospatu zuten domekan, eta ohitura den moduan, bi emakume omendu zituzten. Bat Aretxabaletan, Ainara Urrutia, eta, bigarrena Eskoriatzan, Rosarito Oianguren.
