Debagoiena Lanean, egoera zaurgarrian dauden pertsonen laneratzea bultzatzeko

Proiektua otsailean abiatu da, Miguel Altuna Lanbide Heziketa zentroan hasi duten soldaduraren gaineko formazioarekin. Aurrerago gehiago etorriko dira: sektore berdean, industrian eta ofiziotan egingo dira formazioak. Debagoiena Lanean proiektuaren sustatzaile nagusiak dira Gipuzkoako Foru Aldundia, Debagoieneko Mankomunitatea eta Debagoiena 2030 ekimena. Proiektuaren onuradunak bazterkeria arrisku egoeran dauden pertsona eta kolektiboak dira.