Otsailaren 11an ospatzen da Emakume eta Neska Zientzialarien Nazioarteko Eguna, eta Eskoriatzako Fagor Automationen, bisita gidatu berezia antolatu zuten bigarren urtez jarraian. Izan ere, Arizmendi ikastolako Batxilergoko lehenengo mailako 40 neskak, Fagorren diharduten emakume zientzialarien lana gertutik ezagutu ahal izan zuten.
Taldetan banatuta egin dute bisita gidatua ikasleek, eta besteak beste, Fagor Automationek nola funtzionatzen duen ikusi ahal izan dute eta bertako emakume zientzialariekin solasaldiak izan dituzte. Bisita bukatu ostean, bisitan ikusitakoa partekatu eta mokadutxoa jateko aukera izan dute ikasleek.
