Korrika agurtu dute urtea Bergarako San Silvestre lasterketan

San Silvestre Trail egin zuten abenduaren 31n, eta Ibai Larrea antzuolarra (0:27:31) eta Malen Osa oñatiarra (0:31:40) izan ziren irabazleak. 400ndik gora lagun bildu ziren lasterketan, eta irabazleekin batera, Ainhoa Oianguren eta Oihane Azkorbebeitia igo ziren podiumera emakumezkoetan. Gizonezkoetan, berriz, Gontzal Murgoitio eta Andoni Gomez. Bikoteka, Ainara Uribarrik eta Ander Uriartek irabazi zuten.