Hilaren 18tik abenduaren 2ra bitartean egingo da Euskaraldia, eta, ohi den moduan, protagonista izango dira ahobizi eta belarriprest rolak. Dena den, aurten, berezitasun bat erantsi diote Oñatikoari, Maddi Txintxurreta dinamizatzaileak adierazi duenez.
Bestetik, atzo domeka, Aretxabaletarrak, eskoriatzarrak eta gatzagarrak ere bat egin zuten Euskaraldiarekin. Hala, Euskaraldiaren etorrera girotzeko Aretxabaletatik eta Eskoriatzatik abiatuta 60 bat lagun joan ziren atzo goizean, Leintz Gatzagara; eguraldia lagun, gozatu egin zuten ibilaldiarekin. Gatzagarrek harrera beroa egin zieten eta argazkia atera ostean kantuan ere egin zuten elkarrekin.
