Julen Zabalo: "Euskara benetan zabaldu dadin erakarri eta maitasun korronteak eraiki behar ditugu"

Euskaltzaleen Topaguneak antolatuta martxan da Zubi bat euskaratik hitzaldi zikloa. Migrazioa eta euskara lotzen dituzten zazpi solasaldi antolatu dituzte, eta Eskoriatzan egin zuen lehenengoa Parte Hartuz ikerketa taldeko Julen Zabalok. Mahai gainean izan duen gaia: Migratzaileak herritartzeko euskara behar dugu? Uste du Auzoko moduko dinamikekin lortuko dela etorkinak euskarara gerturatzea eta ez betebeharrekin edo exijentziekin.