Gerturatzen doa negua eta 'Aita Mari' erreskate-ontzia misio berrietarako prestatzen ari da. Erizain boluntario aritzen den Izaskun Arriaran aramaioarrak azaldu du Italian eman den gobernu aldaketarekin kezkatuta daudela, baina bizitzak salbatzen jarraitzeko asmo irmoarekin. Berriki, gainera, Hala ere kantua eskaini dio Mikel Telleria musikariak 'Aita Mari' ontziari. Mediterraneoko tragedia du hizpide. Telleria eta Arriaran, biak izan dira Hemen Debagoiena saioan.
'Aita Mari' ontziak 2017tik dihardu Mediterraneoko uretan itsas salbamendua egiten. Migrazio krisiak bere horretan jarraitzen du, eta urteotan dozenaka migratzaileri lagundu die, askori bizitza salbatzeraino. Milia nautikoak diruz laguntzeko egitasmoak martxan jarraitzen du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
