Eider Otxoa: "Dolu perinatala desautorizatuta dago gizarte honetan eta batzuetan sostengu falta itzela da"

Dolu perinatalari buruzko hitzaldia egin zuten atzo, Arrasaten, Ekin Emakumeak taldeak antolatuta. Dolu laguntzaile Eider Otxoa aretxabaletarrak egin zuen berba. Esku Hutsik elkarteko kide ere bada, eta hilda jaiotzen diren haurren inguruan dauden hutsuneez zein familiek egin beharreko dolu prozesuan laguntzeko eman beharreko urratsez aritu zen. Tramite burokratikoak arintzeko, Osakidetzan protokolo bateratua lantzeko, profesionalei formakuntza egokia emateko edota familiei eman beharreko arreta hobetzeko eskaera egin zuen.