'Ongi etorri baserrira!' ekimenean hartu dute parte Antzuolako eta Aretxabaletako bi baserrik

"Ongi etorri baserrira!" ekimenaren barruan bailarako bi baserrik ateak zabaldu dituzte aste buruan, Antzuolako Lamariano azpikoak eta Aretxabaletako Areantza Etxebarrik. Euren jarduna kontsumitzaileei erakustea izan da asmoa. Zazpigarren aldia da Enbak ekimen hau antolatzen duena. Oraingoan, Gipuzkoako eta bizkaiko 30 baserrik parte hartu dute ekimenean. Kaletarrek aukera ezin hobea izan dute elikagaiak ekoizten dituzten baserritarrak ezagutzeko.