Udaberriko kanpainaren barruan, premiazko elikagaien bilketa egingo dute Debagoieneko hainbat supermerkatutan. Gipuzkoako elikagaien bankutik adierazi dutenez, aurten %7 igo da elikagaien eskaria. Diote prezioen igoera dela horretarako arrazoietako bat, baita Ukrainako gerratik ihesi errefuxiatuak heldu izana ere.
Udazkenean egiten duten elikagaien bilketa handia ez bezala, udaberriko kanpaina kudeatu bai, baina antolatu ez du elikagaien bankuak antolatzen, supermerkatuek eurek baizik. Eroski, BM eta Super Amara supermerkatuetan batuko dituzte elikagaiak. Eta pandemia garaian bonuekin bakarrik lan egin ostean, oraingoan, bonuez gain, elikagaiak eurak ere jasoko dituzte supermerkatuetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.