Johana Olabarria: "Gizarteak bizi duen shock egoera, eta hortik atera diren hainbat hausnarketa ikus daitezke Laburbiran"

Otsailaren 25etik martxan da euskarazko film laburren zirkuitua, Laburbira. Bederatzi lanek osatzen dute bilduma eta tartean dira Iban del Campo arrasatearraren Serendipia zein Aitor Alberdi bergararraren Turnoka. Laburbira egunotan helduko da Debagoienera. Domekan izango da emanaldia Aramaion, martitzenean Arrasaten eta eguaztenean Bergaran. Del Campo eta Alberdi nor bere herriko emanaldietan izango dira. Xehetasunak gehiago eman ditu Laburbira antolatzen duen Euskaltzaleen Topaguneko Johana Olabarriak.