Aste osoan zehar Ukrainara bidaltzeko materiala batu ostean, ostiralerako zuten kamioia kargatzeko deialdia eginda. Herritarren partetik jasotako erantzuna "itzela" izan zela aitortu zuten. Hilabeteroko bigarren zapatuetan egin ohi duten bezala, azoka txikia egin zuten Hotz Oñatikoek zapatuan. Oraingoan, Ukrainara bideratuko dute jaso duten dirua, 1.500 euro inguru.
Domekan 'Donbass, gerra Europaren bihotzean' dokumentaletik abiatuta, hitzaldia eskaini du Ibai Trebiñok Arrasateko gaztetxean. 2014an piztu zen gerra Donbass eskualdean eta haren nondik norakoak kontatzen ditu Trebiñoren eta Mikel Arregiren dokumentalak.
