Lander Juaristi: "Putzu bat aukera moduan ikusten dute haurrek, lagatzen badiegu behintzat"

Martxan da Putzuetan Plast! ekimenaren bigarren edizioa. Txatxilipurdi elkarteak abiarazi du elkarlanean Guraso.eus egitasmoarekin. Jolasa modu askotarikoan uler daiteke, eta zalantzarik ez dago naturak aukera handiak eskaintzen dituela. Putzu batek esperimentatzeko aukera ematen du; ura, lokatza, itzalak, zipriztinak, sakonera... ditu. Jolasa ulertzeko hausnarketa oso bat dago ekimenaren atzean. Txatxilipurdi elkarteko Lander Juaristik azaldu du. Dei egin du argazkiak edo bideoak bidaltzeko komunikazioa@txatxilipurdi.eus  helbidera edo 688 72 42 05 telefono zenbakira (Whatsapp edo Telegram).