Aramaixo Tropikala areto futbol taldea ezagutzen

Hiru-lau urte igaro dira Aramaioko adin ezberdinetako herriko gazteak elkartu eta areto futbol taldea osatu zutenetik: Aramaixo Tropikala. Hainbat herritar pilotan aritzen diren arren, klub gisa herriko kirol talde bakarra da uneotan. Arabako Txapelketan dihardute, eta "gozatzea" dute helburu nagusi. Ez diote, baina, lehiari iskin egiten. Sailkapenaren lehen postuen borrokan dira aurtengo denboraldian, eta ez diote ezeri uko egin nahi; "Zergatik ez mailaz igo?", diote. Hona, hurretik, taldearen nondik norakoak.