Gizarte gero eta digitalago batean haurtzaro gero eta digitalagoak ditugu eta gaiaren inguruan gogoeta egiteko guraso eta hezitzaileendako saio bereziak antolatu dituzte Aretxabaletan. Hurrengo bi zapatuetan izango dira Aretxabaletako Arkupe aretoan eta Amaia Arroyo Sagastak gidatuko ditu. Streaming bidez ere jarraitu daitezke. Zabalik da izen-ematea hemen.
Nola kudeatu pantailak haurrekin izenburupean bi hitzaldi antolatu dituzte elkarlanean Arizmendi ikastolak eta Huhezik. Zapatu honetan egingo dute lehenengoa eta hurrengo zapatuan bigarrena. Hezkuntza eta komunikazioan doktorea den Amaia Arroyo Sagastak egingo ditu gidari lanak.
Pantailen erabileraren gaineko gakoak emango ditu adituak. Erabaki kontzienteak hartzeari ematen dio garrantzia eta umezurtz digitalak saihestu beharrari.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.