Gabonetako kanpainaren ostean, produktuei irteera ematen jarraitzeko modua dira beherapenak saltokiendako. "Esperantza beherapenetan" dute orain, izan ere, sentsazio orokorra da, abendua "makala" izan dela. Koronabirusaren intzidentzia handiak eragina izan du, eta orokorrean, abendua txarra izan dela azaldu du Arrasateko Ibai Arte elkarteko presidente Ion Apraizek. Halere, badira baikortasunari eutsi gura diotenak.
Urtarrilaren 7an hasitako beherapenek bi hilabeteko iraupena izango dute, eta esan bezala, hor dituzte saltzaileek esperantzak jarrita. Halere, diote, orain, beherapenak, ez direla garai baten zirena. Hainbat arrazoi egon litezke horren atzean eta horietako bat izan daiteke, gaur egun urtean zehar ere egiten direla bestelako kanpainak.