ALBISTEAK

Ehunka debagoiendarrek egin dute bat COVID ziurtagiriaren kontrako manifestazioarekin

Arrasateko Seber Altube plazan hasi eta bukatu da gaur iluntzean COVID ziurtagiriaren kontra ibarreko hainbat taldek deitu duten manifestazioa. COVID paseari ez lelopean burutu dute mobilizazioa eta antolatzaileek deialdiak izandako erantzunaren balorazio positiboa egin dute.

Euria egin arren, ehunka herritar elkartu dira gaur iluntzean Arrasaten COVID ziurtagiriaren kontrako desadostasuna agertzeko. Aretxabaletako, Eskoriatzako, Leintz Gatzagako, Aramaioko eta Arrasateko Bizitzakideak taldeak, Eskubideen aldeko Oñatiko taldea eta Bergarako lantaldea izan dira mobilizazioaren deitzaileak. Arrasateko Seber Altube plazan hasi da manifestazioa, eta leku berean bukatu, antolatzaileek irakurri duten adierazpen batekin.

"Ziurtagiriak eskubide urraketa itzela suposatzen duela ikusi genuen, eta horren aurrean zerbait egin behar zela", azaldu du Arrasateko Bizitzakideak taldeko Maite Arizagak, eta gaineratu: "Ziurtagiriak lekuetara sartzeko diskriminatu egiten dute jendea; haurrek ezin dute ekintza pila baten parte hartu; txertatu ez bazaude ezin zara sartu ospitalera zure senideren bat bertan badago, ezta ume txikiak badira ere... Kontua serioa da". Manifestazioak  izan duen erantzuna "ona" izan dela gaineratu du Arizagak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.